Finantziatuta
Euskara

ABAIGARKO UDALEKUETAKO ETXEA OBRETAN

Euskal udalekuetan, euskal herriko haur eta gazteei udan euskaraz bizitzeko aukera eskaini nahi diegu. Abaigarko lagunok, indarrez itzuliko gara! SUKALDE eta LITERA berrientzat zure ekarpena ezinbesteko zaigu.

30000€Helburua
50000€Optimoa
34600€ Lortutakoa
-Amaituta

Badira 40 urte Abaigarren, Nafarroako herrixka txiki batean, euskaraz bizitzeko aukera eskaintzen duten udalekuak antolatzen gabiltzala. Euskal Herriko txoko desberdinetatik elkartutako gazte bolondres ugarik hartzen dugu parte, bertako haur guztiei zuzendua dagoen proiektua aurrera ateratzeko lanean. Elkarlanean, gozatuz eta beti ere euskara oinarritzat hartuz, hainbat balore lantzen ditugu txandetan, 15 egun ahaztezinetan.

Azken hiru urteetan etxearen erabilera mugatua egon da, berritze lan potolo batean murgilduta aurkitu gara, eta ondorioz, ezinezkoa izan zaigu bertan udalekuak antolatzea. Zorionez, eraberritze prozesua ondo bidean doa eta egindako esfortzu handiaren ostean etxea badoa berriro forma hartzen, ereindako haziak badoaz loratzen. Aurtengo udan, uztaila eta abuztu bitartean, 240 gazte baino gehiago bertan elkartu eta berriro etxera bueltatu ahal izatea guzti horren emaitza izango delarik. Proiektu izugarri honek, ordea, 250 000 eurotik gorako kostu ekonomiko handia suposatu digu. Mailegu bat eskatu dugun arren, eta esan bezala obra aurrera dihoan arren, txandak behar bezala hasteko, SUKALDE eta LITERA BERRIAK erostea ezinbestekoa zaigu, eta horretarako, gugan sinisten duen jendearen laguntza behar dugu. Zure ekarpenik txikiena ere asko asko da guretzat!

Horregatik sortu nahiko genuke itsulapiko hau, lagunduko diguzu errautsetatik altxatzen?

Abaigarko begirale eta sukaldariak.

Badira 40 urte Abaigarren, Nafarroako herrixka txiki batean, euskaraz bizitzeko aukera eskaintzen duten udalekuak antolatzen gabiltzala. Euskal Herriko txoko desberdinetatik elkartutako gazte bolondre...

Ordainsariak

Ekarpenak egiteko epea ez dago irekita
  • GURE ESKER ONA ETA NAHI ADINA MUXU!

    Guztiz eskertuta egongo gara urte luzez Abaigarko udalekutan gozatzeko aukera izango dugun haur eta gazteok, zurekin. Muxu!

  • POSTERRA

    Guztiz eskertuta egongo gara urte luzez Abaigarko udalekuez gozatzeko aukera izangodugun haur eta gazteok, zurekin. Muxu!
    Gainera, Abaigarko etxearen koloretako irudi polit baten posterra izango duzu zuretzat, nonahi jartzeko.

  • POSTERRA + TXAPA

    Guztiz eskertuta egongo gara urte luzez Abaigarko udalekutan gozatzeko aukera izango dugun haur eta gazteok, zurekin. Muxu!
    Gainera, Abaigarko etxearen koloretako irudi polit baten posterra eta txapa izango dituzu zuretzat, nonahi jartzeko.

  • POSTERRA + TXAPA + GONBIDAPENA

    Guztiz eskertuta egongo gara urte luzez Abaigarko udalekutan gozatzeko aukera izango dugun haur eta gazteok, zurekin. Muxu! Gainera, Abaigarko etxearen koloretako irudi polit baten posterra eta txapa izango dituzu zuretzat, nonahi jartzeko.Eta hau gutxi balitz, etxea guztiz jantzita izatean egingo dugun irekiera festarako gonbidapen berezia izango duzu! egitaraua oparoa izango da, eta gure helburua lagun asko elkartzea litzake. Aspaldi Abaigarren ibilitakoak, oraingoak, ezagutzeko gogoa dutenak, herrikoak...ondo pasatu eta ametsak elkarbanatzeko gogoz!

  • MIKEL LABOAREN IRUDI HANDIA EGURREAN

    Gure esker ona, muxu handi bat, posterra, txapa, irekiera festarako gonbidapen berezia, eta gainera, Mikel Laboa handiaren koadro handi bat izango duzu opari!

  • Kopuru handiago bat

    Gure esker ona, muxu handi bat, posterra, txapa, irekiera festarako gonbidapen berezia, eta gainera, Mikel Laboa handiaren koadro handi bat izango duzu opari!