Markina-Xemeinen kokaturiko Eup! irratiak FM uhinetara jauzia eman nahi du.
Gertukoa eta librea den irratia izanik, autofinantziazioan oinarritzen da gure ekonomia eredua. 5 urteko lanaren ostean, orain arte irratsaioak soilik podcast formatuan entzun zitezkeen irrati bat izatetik, benetako irrati bat izan eta FM uhinetan ere entzuteko moduan egotea nahi dugu, 24 orduko zuzeneko emisioa ere eskainiz.
Horretarako, beharrezkoa izan da inbertsio ezberdinak egitea, irrati uhinak igortzeko antena, besteak beste. Aparteko gastu handi honi, bestela ere urtean zehar ditugun gastuak (zerbitzaria, internet zerbitzua, domeinuak, bestelako kuotak…) gehitu behar zaizkio. Gastu guzti hauek, herriko jaietako txosnetako elkarlanarekin eta bestelako ekintzekin finantziatzeko asmoa geneukan. Tamalez, bizi dugun egoera berezi hau dela eta, ezinezkoa izango da dirua bide hoietatik lortzea.
Arrazoi guzti hauengatik, zure laguntza ezinbestekoa dugu gure proiektua aurrera eramateko. Mila esker!